Baş nazirin müavini Mher Qriqoryan Rusiya Federasiyası Federal Məclisi Dövlət Dumasının sədr müavini Aleksey Qordeyevi qəbul edib.
Tərəflər mümkün birgə layihələrdə təcrübə mübadiləsinin və elmi potensialın reallaşdırılmasının vacibliyini qeyd ediblər.
Ermənistan baş nazirinin müavini Mher Qriqoryan Rusiya Federasiyası Dövlət Dumasının vitse-spikeri Aleksey Qordeyevi nümayəndə heyəti ilə qəbul edib. Ermənistan hökumətinin mətbuat xidmətinin məlumatına görə, Rusiya nümayəndə heyətinin tərkibinə kənd təsərrüfatı nazirinin müavini Maksim Uvaydov, sənaye və ticarət nazirinin müavini Aleksey Bezprozvannıx, “Roskaçestvo” federal agentliyinin rəhbəri Maksim Protasov daxildir.
Görüşdə Avrasiya İqtisadi Komissiyasının sənaye və aqrar-sənaye kompleksi naziri Artak Kamalyan, həmçinin Rusiyanın Ermənistandakı səfiri Sergey Kopırkin də iştirak edib.
Şərabçılıq və ekoloji təmiz kənd təsərrüfatının inkişafı sahəsində əməkdaşlıq məsələləri müzakirə edilib.
Tərəflər kənd təsərrüfatı və sənaye sahələrində əməkdaşlığın, eləcə də mümkün əməkdaşlıq layihələrində təcrübə mübadiləsinin və elmi potensialın tətbiqinin vacibliyini qeyd ediblər.
Xatırladaq ki, 2022-ci ilin yanvar-aprel aylarında Rusiya ilə Ermənistan arasında ticarət dövriyyəsi 30% artaraq 890 milyon dolları ötüb.